SOG‘LIQNI SAQLASH TIZIMIDA CHET EL TIJORAT BANKLARI KREDITLARINI HUDUDLAR KESIMIDA SAMARALI TAQSIMLASH (O‘ZBEKISTON TAJRIBASI)

Аннотация

Ushbu tezisda O‘zbekiston Respublikasi sog‘liqni saqlash tizimini modernizatsiya qilishda chet el tijorat banklari kreditlaridan foydalanishning hududiy samaradorligi tahlil qilingan. Tadqiqot Prezidentning PQ-69 qarori doirasida Osiyo taraqqiyot banki kreditlari hisobidan xarid qilingan tibbiy jihozlarning hududlar bo‘yicha taqsimlanishiga asoslanadi. Muallif tomonidan amalga oshirilgan hisob-kitoblar orqali hududlar kesimida jihozlar soni, ularning ulushi va konsentratsiya darajasi baholangan. Tahlil natijalari aholi zichligi va tibbiy xizmatlarga bo‘lgan talabni inobatga olgan holda amalga oshirilgan hududiy yondashuv tibbiy xizmatlardan foydalanish imkoniyatlarini kengaytirish va hududiy nomutanosiblikni kamaytirishga xizmat qilishini ko‘rsatadi. Shuningdek, milliy amaliyot Jahon sog‘liqni saqlash tashkiloti va Xalqaro valyuta jamg‘armasi tomonidan berilgan tavsiyalar bilan qiyosiy tahlil qilingan hamda amaliy takliflar ishlab chiqilgan.