O‘zbekiston iqtisodiyotining raqamli transformatsiyasida P2P biznes modellarining o‘rni

Аннотация

Mazkur maqolada biznesning raqamli transformatsiyasi hamda raqamli
iqtisodiyot sharoitida biznes modellarning ahamiyati va tutgan o‘rni
tadqiq etilgan. Biznes jarayonlarini jadallashtirish, samarali
tashkillashtirish nuqtai nazardan biznes modellarining dastlabki sodda
ko’rinishlaridan tortib raqamli biznes modellariga transformatsiyalashuvi
xronologik tarzda bayon qilingan. Maqolaning amaliy ahamiyati sifatida
Amazon kompaniyasining biznes modellarini qurish va ularning
mijozlarga xizmat ko’rsatishda samaradorlikni oshirishga qaratilgan
faoliyati qisqacha tahlil qilingan. Xususan, biznes modellarning raqamli
transformatsiyalashuvining raqobatbardoshlikni oshirishdagi ahamiyati
hamda ularning iqtisodiy samaradorlikka erishishdagi roli tadqiq etilgan.
Sohaga tegishli xorij tajribasini yetarlicha o‘rganib chiqqan holda, olingan
natijalarning amaliyotga tatbiq etilishi mumkin bo‘lgan jihatlari ko’rib
chiqilgan. Shuningdek, maqolada O‘zbekistonda raqamli iqtisodiyot,
raqamli transformatsiya jarayonlari bo‘yicha amalga oshirilayotgan choratadbirlar va ulaning iqtisodiy samaradorlikka erishishdagi roli tadqiq
etilib, kerakli taklif va tavsiyalar shakllantirilgan.